Энэ зууны мөрөөдөл минь, хамгийн хамгийн гэхэд ч үг дутах ер бусын гайхалтай түүхэн үйл явдал надад тохиож байна.
Нөхөр бид хоёр Өмнөд Африкийн эх хот, Холливүүдынхны таалан очдог Кейп Тауны зүг ээлжит аяллаа хийх гэж байна.
Жоханнесбург хотоос Кейп Таун ирж очихын хоёр өөр замыг сонгон, зөвхөн нэг талдаа дор хаяж 1500 орчим км туулах энэ өргөн агуулгатай аяллын урт замд хүний гараар ухагдсан дэлхийн хамгийн том нүх Кимберли гээд одоо ч нэрлэж эс чадах замд таарах олон сонирхолтой газраар боломжоороо дайрч өнгөрөх онцгой аяллын тухай би энд ярьж байна.
Эхний буудаллах цэг Кейп Таун ч Жоханнесбург хотоос доошлохдоо замдаа таарах ямар нэгэн B & B-д нэг хонож, дараа нь Кейп Тауны ойролцоох Атлантын далайн эрэг дэх нэгэн энгийн амралтын газар хэд хоногийг өнгөрүүлэхдээ далайн гайхамшигт булан тохой зэргээс гадна "Дэлхийн Байгалийн Долоон Гайхамшиг"-ийн нэг болсон Кейп Тауны Ширээ Уулсыг үзэх нартай тунгалаг өдөр тохиогоосой гэж хүсэн хүсэн нойроо хугаслан байна.
Тэндэх амралтаа дуусгаад ертөнцийн зүүн зүгийг чиглэн 800 гаруй км-ийг туулахдаа зам хазайн Африк тивийн хамгийн өмнөд цэг дээр мөрөө гаргах аз таараасай гэж бас залбирнам. Африкийн хамгийн өмнөд цэгээс эхлэн Энэтхэгийн далай нь Атлант болон нэрээ өөрчилдөг ба түүнээс цааш хязгааргүй их уснаас өөр газар үгүй гээд заавал очиж үзэх цэг гэдэг нь яриангүй тодорхой.
Ингээд Энэтхэгийн далайн эрэг дээрх 5 одтой амралтын газарт 7 хоногийг үдэхдээ цацагт хяруулыг унах, мах өндгийг нь амтлах зэргээр тэдэнтэй ойртон танилцах Алдарт их хаалганы цацагт хяруулын фермд зочилж мөн Канго агуй гэх мэт нэртэй газруудаар очиж үзнэ. Мөн явсан газар бүрийнхээ давтагдашгүй өвөрмөц амтат хоол, ундаа гээд чиглэл олонтой энэ аяллын минь үүх түүх дэндүү их байх болно.
Зөвхөн ирж очих замын 3000 км-ээс гадна үзэж сонирхох, гэнэт зам мурийн очиж ч мэдэх газруудаа оруулаад барагцаалан гаргасан 5000 км-ийн нүсэр аяллыг минь Бурхан ивээж ганзага дүүрэн адал явдалтай эргээд та нартайгаа энд учран золгохыг хүсэн ерөөе!
Тайлбар
Кейп Таун - Cape Town
Кимберли - Kimberley
Ор болон өглөөний унд - B & B /Bed and Breakfast/ - Өмнөд Африкийн аль ч өнцөгт явж байлаа гэсэн аялагч нарт зориулсан буудлын газрыг замын хажууд ингэж тэмдэглэсэн байдгаар нь олж очиход амархан. Унтах ор, өглөөний цайгаар үйлчилнэ гэсэн утга бүхий.
Ширээ Уулс - Table Mountain
Африк тивийн хамгийн өмнөд цэг - Cape L'Agulhas
Алдарт их хаалганы цацагт хяруулын ферм - The Famous High Gate Ostrich Farm
Канго агуй - Cаngo Cave
Аяллын ерөнхий маршрут:
Жоханнесбург /Johannesburg/ хотоос N12 хурдны замаар /тод хөх өнгөөр зам-N12 гэж зурсан буй/ уруудсаар Кимберлигээр /хүний гараар ухагдсан дэлхийн хамгийн том нүх/ дайрч Beaufort West гэдэг газар нэг хоноод, тэндээс эхлэн N1 зам руу доош салж явсаар Кейп Таун /Cape Town/ орно.
Кейп Таунаас N2 замаар зүүн тийшлэхдээ доош хазайж Африк тивийн хамгийн өмнөд цэг /Cape L'Agulhas/ ороод эргэн N2-тоо нийлж чигээрээ зүүн тийш явсаар Энэтхэгийн далайн эрэг дэх амралтын газраа очно.
Харин тэндээс буцахдаа дээшээ N12 замаар өгссөөр Beaufort West-ээр дахин дайраад, тэндээс дээхнэ баруун гар тал руу N1 рүү салж, N1-ээрээ явсаар Жоханнесбургтээ буцан ирнэ.
Миний аяллын талаарх олон зүйлийг дээрх зураг тодорхой харуулна гэдэгт итгэлтэй байна. Харин газрын зураг нь хэдэн жилийн өмнөх хуучин зураг тул зарим нэг газрын нэрс шинэчлэгдсэн болон өөрчлөгдсөн буюу ороогүй байх магадлал өндөр. Нутгийн харууд засгийн эрхийг гартаа авснаар газар нутгийн олон ч нэр усыг өөрсдийнхөө хэлээр нэрлэн, сольж өөрчилсөөр байгаа билээ.
Кейп Тауны ойролцоох Атлантын эрэг дээрх энгийн амралтын газарт байрлах хэсгийг тойргоор зурж үзүүлэв.
Энэтхэгийн далайн эрэг дээрх 5 одтой амралтын газарт байрлах хэсгийг тойргоор зурж үзүүлэв.
Жич: Энэ аяллын явцад та бүхний хүсч сонирхсон болоод авах боломжтой зургуудын саналыг би хүлээж байна. Харин авахад боломжгүй болон эрсдэлтэй, тухайн нөхцөл байдалд тохиромжгүй зургийн саналыг хүлээн авахгүй тул хүлцэл өчье.
Энэ сарын 15-нд аялалдаа хэдийн одсон байх болно.
Сэтгэгдэлүүд:
*Гүзээ өвгөний зургийн саналыг хүлээн авлаа.
Их урт зам туулах учраас биесээ бодож яваарай, бас анхаарал болгоомжтой яваарай. Хамгийн гол нь зургийн апратаа хүзүүнээсээ салгаваа хэхэ олон зураг аваарай... хэсэгт л нийтлэл хүлээгээл суужих нь байна да бид чинь... Аяны алтан шар зам нь ивээг
Харуулж үзүүлж болох бүхнийг л бидэнд харуулаарай.
за аймаар их амжилт хүсчийнэ. сонин содон ихтэй явах байхаа
Зөндөө олон сайхан мэдээлэл өгч, бас үзээгүй зүйлийг минь үзүүлж, хараагүйг минь харуулж, сонсоогүйг минь сонсож байдаг Мэрлин эгчдээ дүү нь зөндөө баярлалаа.Цаашид ч бас зөндөө их юм мэдэж харах байх гэж бодож найдаж, хүлээж байгаа шүү. Зөндөө баярлалаа, Дүү Dreamsilver
Бодсоноос минь олон хүн намайг сэтгэл зүрхээрээ үдэх гэж ирсэн байгааг уншаад би тун их баярлан хэлэх үгээ олохгүй байна...
Амжилт ололт, эрүүл мэнд, сэтгэл санааны гээд олон янзын дэмжлэг үзүүлж байгаа та нарынхаа итгэл сэтгэлийг өвөр дүүрэн тээсээр саадгүй сайн явж ирнэ гэдэгтээ би тун их итгэлтэйн зэрэгцээ ирээд бичих олон олон сонирхолтой зүйлийн талаар та нар минь аль хэдийн дотор нь орсон мэт мэдэрч ойлгон хүлээх авах дулаахан нандин мэдрэмж төрж байгаа нь гайхалтай санагдана.
Зургийн захиалгаа өгсөн хүмүүстээ дахин дахин гялайлаа, хүлээн авлаа. Зарим нэгэн санаа авах үүднээс та бүхнээсээ зургийн санал асуусан нь хэдийнээ намайг цэнэглээд эхэлчихлээ.
*Харин ил захидлаа хүлээн авснаа дуулгасан Dream_silver-тээ бас их баярлалаа, чи бид 2 хамтдаа энэ агшныг мөн ч их хүлээсэн дээ...
Нэрсийг тань би дурдаагүй ч хүн тус бүрийн ерөөсөн үгс хэвлэгдэн, аяллын цүнхэнд минь морилж надтай хамт аян замд гарнаа. Мохсон мөхсөн үедээ би та бүгдийн үгийг гарган эргэн эргэн уншиж урам зориг авч байх болно. ГЯЛАЙЛАА.
болгоомжтой яваарай бичлэг болгоныг чинь тэсэн ядан хүлээх болноо Бурхан чамтай хамт байг ээ
олон хүний өмнөөс аялж яваа гэдгээ ухамсарлаж олон сайхан зүйлсийг үзэж зураг хөргийг нь авч байгаарай за юу хэхэхэ
*Танхил,
Аялалд гарахдаа интернет хэрэглэдэггүй бөгөөд явсан газрын хаа ч интернет өндөр үнэтэй байдаг нь бас нэг шалтгаан биз.
Гэвч энэ удаад интернет таарвал блогоо нэг эргэчих бодол байх шиг...
*Батаа,
Олон хүнд үзүүлэх харуулах юмтай ирэхээ би энэ удаад сайн ухамсарлаж байгаа.
Блог хөтөлдөггүй байхдаа өөрийн зургаа л дардаг байлаа, харин одоо өөр болсон шүү.
*Ширээ сандал зөөгөөд зав муутайг бодоход Чимэглэн маань багш юмуу гэж бодлоо
*Сайхан үгээр урам хайрлан суугаа та нартаа бүгдэд дахин дахин баярлалаа. Эргэж ирээд гайхалтай бичлэгүүдээр та нартаа хариу баринаа.
гоё юмааа адал явдал ололт амжилт сайхан бүхнээр ганзага дүүрэн сайхан аялаааад ирээрэй...амжилт хүсье...аян зам чинь өлзий бүхэнээр дүүрэн байг
Сайхан аялаад их сонинтой ирээрэй.Хүлээж байя.
Авсан зураг болгон чинь таны зүрх сэтгэл, дотоод ертөнц байх болохоор бид бүгдэд сайхан байх болноооооо. Амжилт шүү
Тиймээс хүн тус бүрийн блог руу зорин орж баярласан сэтгэлээ бичин үлдээж байгаа билээ.
Та нартаа баярлалаа.
Ингээд аялалдаа гарахын өмнөх маргааш үдшийн сүүлчийн сэтгэгдлээр энэ бичлэгийнхээ энэ сэтгэгдлийн дор эргэн уулзья...
Хэдхэн цагийн дараа би их аялалдаа гарах гэж байгаа тул явахаасаа өмнө амласан ёсоороо "БАЯРТАЙ, САЙН СУУЖ БАЙГААРАЙ" гэж хэлэх гээд орж ирлээ.
3-р сарын эхэнд шинэ аяллын үнэр нь хатаагүй сонин ихтэй бичлэгээр эргэн уулзацгаая.
... Явлаа, баяртай...
За баяртай
*Валентиний баярын мэнд хүргэсэн Зочин-доо маш их баярлалаа.
Энд энэ баярыг бусдын л адил тэмдэглэдэг юм билээ.
*Аманжинка надаас хэдхэн минутаар хоцорчээ... Би тэр үед уншаагүй гарсан байна.
*Ттулга ч бас хоцорч. Гэхдээ хүсэлтийг тань гүйцээх арга хэмжээ би авнаа.
Баярлалаа Аманжинка, Ttulga, Whitepearl нараа. Гэхдээ та нарын дээр бичсэн эхний сэтгэгдлүүд 2 их далайд хүрчихээд ирсэн, уншсан бизээ.
Ёстой санаандгүй шахуу блог-той чинь таарлаа.
Би бас наадруу чинь удахгүй очино. http://blessingtara.blogspot.com/ хальт ороод гараарай.
Утас шөрмөсний юм байвал үлдээгээрэй. Юмыг яж мэдэх вэ, цаг зав чинь таараад хальт уулзаад өнгөрөх ч юм билүү. Монгол хүнтэй South Africa-д таарна гэж бодоход гоё л байна..
Сэтгэгдэл үлдээх: