Тус блогт 2008 оны 10 дугаар сарын 15-нд анх удаа асуулт хариулт өрнүүлж, ялагчдад өөрсдийнх нь хүссэн амьтны зураг бүхий Өмнөд Африкийн ил захидал илгээж баярлаж талархсанаа харилцан хуваалцаж байсныг жил гаруйн хугацаанд блогоор зочлон орж гарч байсан уншигчид маань сайн мэдэх байх аа.
Түүнээс хойш уншигчдаа хөгжөөх зорилгоор ямар нэгэн болзолгүй ч зурагт асуулт хариултыг нэг удаа зохиосон бөгөөд ийм асуулт хариулт дахин хэзээ зохиох вэ гэж асууж сураглаж, бас сонирхож байсан уншигч, блогчиддоо талархахын зэрэгцээ анх асуулт тавьсаны нэг жилийн ой өнөөдөр давхцаж буйг тохиолдуулан 2 дахь удаагийнхаа асуултаа та бүхэндээ хүргэж байна.
Асуулт хариултын зорилго:
Өөрийн хүсэл сонирхлоо дагнан нээсэн энэхүү блогийн ЭХ БАЙГАЛЬ, ЗЭРЛЭГ АМЬТДЫН талаарх бичлэгүүд уншигчдын сэтгэлд хэрхэн хүрч, хэрхэн тэднийг хөглөж, хөтөлж байгаад судалгаа авахад оршино.
Болзол:
- Доор бичигдсэн хоёр асуултаас нэгийг сонгох, хүсвэл аль алинд нь хариулж болно.
- Хариулт нь өөрийн тань сэтгэлийн бодит үгс байх /Бодит жишээ байвал хуваалцах/
- Илэрхийлэх утга санаа ойлгомжтой байх
- Блогийн бичлэгүүдээс санаа авч мөн иш татаж болно.
- Сэтгэгдэл урт эсвэл богино байх тухайд болзол үгүй.
- Хариултыг 10 дугаар сарын 22-нд дуусгавар болгож, 23-нд ялагчийг тодруулсан байна.
- Хариултыг блогийн эзний имайл хаяг, Банжиг зурвас, түүнчлэн хариулагч хүсвэл асуултын дорх сэтгэгдэлд нээлттэй үлдээж болно.
- Оролцогч хүсвэл "Зочин"-ы нэрээр оролцож болох бөгөөд тухайн оролцогчийн нэр, хаяг зөвхөн блогийн эзэнд үлдэнэ.
- Энэхүү асуулт хариулт нь 7 хоногийн хугацаатай тул оролцогч эхний сэтгэгдлээ хангалтгүй гэж үзсэн тохиолдолд сэтгэгдлээ шинэчлэн, дахин шинээр оруулж болно.
Дурсгал:
- Ялагч болсон оролцогчийн хүссэн амьтных нь /Африкийн онгон зэрлэг амьтдаас сонгох/ зураг бүхий ил захидалд блогийн эзэн өөрийн гараар дурсгалын үгсээ бичин хүссэн хаягаар нь илгээж, ялагчийг хүлээж авсны дараа "Африкийн ил захидал эзэндээ очлоо-2" гэсэн шинэ бичлэгээр ялагчид илгээсэн ил захидлын зургийг тавьж бусдад сонирхуулна.
- Ялагчийн өөр нэг сонгосон зурагт ил захидлыг ялагч өөрөө хэн нэгэн дотны хүндээ дурсгах боломж олгох үүднээс уг ил захидалд үг бичилгүй, шинээр нь хамт илгээнэ.
- Ялсан оролцогчийн хариултыг тус блогийн баруун гар талд байрлах "Энэхүү блогийн тухай товчхон" гэсэн хэсэгт ялагчийн нэртэй /Блогтой бол блогийн нэрийн/ хамт БАЙРЛУУЛАХ бөгөөд ялагчийн сэтгэгдэл нь хожмын цагт ч блогийн бичлэгүүдтэй хамт нягт орших эрхэм тодотгол болон хамт хадгалагдан үлдэх юм.
Асуулт:
Эхний сонголт: "Монгол хүний мөрийг Африкт гаргахуй" блог нээгдээд хэдийнээ нэг жилийг ардаа орхижээ.
Энэ хугацаанд тус блогийн бичлэгүүдийг байнга уншсаар ирсэн уншигч, блогчид та бүхний эх дэлхий, байгаль, ан амьтдын талаарх үзэл бодолд энэхүү блог ХЭРХЭН нөлөөлж, мөн таны зүрх сэтгэлд ЯМАР шинэ өөрчлөлт, уур амьсгал авчрав гэдгийг асуух цаг нь болсон гэж үзлээ.
Тиймээс эх дэлхий, ан амьтдаа хайрлан хамгаалах, тэдгээрээс сэтгэлийн их таашаал авч амьдрах тухайд хувь хүнийхээ дотоод оршихуйгаараа өөрчлөгдөн шинэчлэлт авчрахад тань энэхүү блог тодорхой хэмжээгээр хувь нэмрээ оруулж, нөлөөлж чадаж буй эсэхэд өөрийн эрхэм нандин сэтгэгдлээ, өөрийн зүгээс, өөрийн үгээр харамгүй илэрхийлэн тодорхойлно уу.
Удаах сонголт: Блог дахь байгаль, ан амьтадтай холбоотой бичлэгүүдээс таалагдсан нэгэн бичлэгээ сонгон авч, ЮУНЫ УЧРААС, ЯАГААД сонгож авснаа УРАН ТАНСАГ БАЙГАЛЬ, ОНГОН ЗЭРЛЭГ АМЬТАД-тай холбон өөрийн сэтгэгдлээ, өөрийн зүгээс, өөрийн үгээр харамгүй илэрхийлэн тодорхойлно уу.
*** *** ***
"Та өөр хэн нэгнийг тантай цуг өөрчлөгдөн хувирахыг хүлээх хэрэггүй. Таныг хөдөлж эхлэхэд дэлхий хөдөлдөг. Таны өөрчлөгдөж байгаа хэр хэмжээгээр таны амьдралд оролцон тоглогсод өөрчлөгддөг буюу шинэ оролцогсод орж ирдэг. Тэд чамд тусалж дэмжин, юм зааж сургаж байх явцад та ч мөн тэдэнд тусалж дэмжин, зааж сургаж байдаг" гэсэн Эндрю Мэтюсийн хэлсэн сайхан ишлэлийг нэг жилийн өмнөх асуулт хариултад зориулан хэлж байсан бол энэ удаад ч үнэ цэнээ гээгээгүй тул Та бүхэнд урам хайрлах болтугай хэмээн зориуд энд дахин давтан сийрүүлэн үлдээе.
Та бүхэндээ амжилт хүсье!
Жич: Асуулт хариултыг зарим хүмүүс уран яруу бичлэгийн тэмцээн мэтээр хүлээж авч буй нь ажиглагдсан тул оролцогчид асуулт хариулт авах болсон ЗОРИЛГО гэсэн хэсгийг, тавьсан АСУУЛТ-тай нь хамт анхаарч уншихад гарц нь тун хялбар байх болно.
Энэ бол блогийг магтан дуулах асуулт хариулт биш, харин эх дэлхийнхээ онгон тансаг, уугуул төрөлх төрхийг нь хадгалан авч үлдэхэд ТА БИДНИЙ оролцоо бага гэлтгүй хэрэгтэй бөгөөд үүнийг далимдуулан та энэ сэдвийн хүрээнд өөрийн үгээ бусдад хүргэх боломж олдож байгаад л оршино.
Сэтгэгдэлүүд:
xun amitnaas xuulaxiin tuld suuld adag xavitsaa orj ireye ee
za untlaa...
za za exnii 5 bairt ch orloo, sanaa amarlaa...kkk
Хааяа хааяа орж ирдэг ч сонирхолтой зүйлс уншиж, хараад гардаг шүү...
Тэмцээнд нь амжилт хүсье.
Хамгийн сүүлд бичсэн
"Та өөр хэн нэгнийг тантай цуг өөрчлөгдөн хувирахыг хүлээх хэрэггүй. Таныг хөдөлж эхлэхэд дэлхий хөдөлдөг. Таны өөрчлөгдөж байгаа хэр хэмжээгээр таны амьдралд оролцон тоглогсод өөрчлөгддөг буюу шинэ оролцогсод орж ирдэг. Тэд чамд тусалж дэмжин, юм зааж сургаж байх явцад та ч мөн тэдэнд тусалж дэмжин, зааж сургаж байдаг"
гэсэн үг их таалагдлаа
ойн баяр хүргэе
гэхдээ ямартай ч чиний блогт бичлэг нэмэгдэхэд баярлан уншиж, ихэнхидээ "аймаар атаархсаар" л гардаг даа...
амжилт хүсэхийн хамт алтан шар зам чамайг ивээж байхын ерөөл өргөе ээ.
Эхний 6-д нэрээ үлдээсэнд баяр хүргье
Асуулт хариултын нэг жилийн ойн мэндийг хүлээн авлаа. Энэ нь тухайн үед тэмцээнд оролцоод ялагч болсон хүмүүсийн маань ч баяр юм.
Эргэж энд уулзахыг хүлээе.
*Бялзуух,
Асуулт хариултын нэг жилийн ойн мэндийг хүлээн авлаа.
Далимд нь оролцогчиддоо ч амжилт хүсье!
Гялайлаа анд аа.
*Chimgeeitgel,
Шинэ блогчин ч тун эрчимтэй уншигч гэдгийг мэдсэн. Гэхдээ шинэ гэлтгүй ТЭМЦЭЭН бол ТЭМЦЭЭН!
Асуулт хариултын нэг жилийн ойн мэндийг хүлээн авлаа.
*Нямка,
Чамайг оролцох хүний нэг гэж бодном.
Асуулт хариултын нэг жилийн ойн мэндийг хүлээн авлаа.
*Ган-Ялалт,
Сайхан үгээр дэмжсэнд маш их баярлалаа. "Уралдаад түрүүлэх нь биш оролцох нь сайхан" гэсэн үгийг чинь олон олон УНШИГЧИДДАА давхар дамжуулья.
Тэмцээндээ нэр шигээ ялалт байгуулаарай.
Асуулт хариултын нэг жилийн ойн мэндийг хүлээн авлаа.
*Oyuna,
Үлэмж сайхан ерөөл бат оршиг.
Чамайг оролцогчийнхоо нэгээр хэдийнээ бид хүлээж суугаа...
*Хэнхэг Гэндэн,
?
*Chimeglen,
Сайн, сайн байна уу?
Анхнаасаа л эрч хүч, цог жавхаа дүүрэн, гэрэл гэгээ цацан орж ирсэн чамайг энд эргэн харсандаа маш их баярлаж сууна.
Сайхан ерөөл бат оршиг.
*Bi_banjig,
Сайн, сайн уу.
Хугацаа хангалттай тул оролцох эсэхээ шийдэх цаг бий. Харин энэ бол яруу сайхан бичлэгийн тэмцээн биш гэдгийг ойлго.
Байгаль, дэлхийгээ үзэх үзлээрээ ойрхон байж мэдэх анд чамайг бусдад хандан үгээ хүргэх таатай боломжийг ашиглана гэж найдаж байна.
Эрхэм ерөөл бат оршиг.
Цагаа гарган үгсээ шигтгэсэн андууд та нартаа туйлын их баярлалаа.
10-р сарын 22-ныг дуустал энд би Оролцогчдоо хүлээж байх болно.
Дашрамд сануулахад, асуултаа сайн уншиж, тохиромжтойг нь сонгоорой.
надад хамгийн их таалагддаг нь амьтадыг их гоё өвөрмөц өөрийн өгсөн нэрээр /хоч ч гэж болох л юмдаа/ нэрлэдэг чинь юмдаа, тэр амьтдыг нэг л ойр дотно болгох шиг болдогдоо
bataa123-g gertee urij bn aa, daarch baina uu?
Зочилсонд бас хариу талархая анддаа.
*Apabst,
Энэ бол яруу сайхан бичлэгийн тэмцээн биш гэдгийг ойлгоно уу.
Гэвч хүсэлтэй бол Германаар бичиж болно, гайхалтайгаар орчуулаад доор нь би байрлуулья.
*Батаа123,
Сайн, сайн уу.
Өмнөх зурагт-асуулт хариултад амжилттай оролцож байсны хувьд энэ удаад чамаас илүүг хүлээнэ...
*Жиргээ,
Тиймээ, чиний нэртэй сэтгэгдэл шүү дээ. Одоо уйлахаа боль.
Оролцогчиддоо хандаж "Жич" хэсгийг нэмж орууллаа.
Хэрвээ ойлгомжгүй, бүрхэг зүйл тулгарвал шууд асуугаарай.
Өмнөх зурагт-асуулт хариултад амжилттай оролцсон хоёр хүний нэг нь байсны хувьд энэ удаад боломжийг ашиглаарай. Хариу амжилт хүсье.
*Apabst,
...Ойлгов...
*Anara,
Сайн, сайн уу. Ойн мэндийг хүлээн авлаа.
Уншигчдын маань нэг нь байж сэтгэгдлээ ч байнга зориулсаар ирсэн чамд ч бас хариу талархаж явдаг билээ.
Хариултыг хүсвэл энд нээлттэй үлдээх эсвэл имайл хаяг, Банжиг зурвасын алинаар нь ч ирүүлж болох тухайд "Болзол"-д багтаасан буй.
Асуулт нь бидний эх дэлхийн байгаль, ан амьтдын тухайд л төвлөрсөн асуулт юм.
"Baigalaar sahlgarsan gaihaltai amtam" bichleg nadad olon shine medeellig ugsnoos gadna olon zuiliig bodogduulsan n nuuts bishee. Hamgiin sonirholtoi n ger bulseg bie bieneesee suraltsahaas gadna ooriigoo tolind haraad tanidag geluu ter talaar unshaad uneheer angaisan neeree l uhaantai avraga byet yumaa gej bodogdson. Zaani oyun uhaan bolon busdad anhaarch surgamjildag n humuun bidentei adil yum shig sanagdsan. Magadgui zarim talaaraa hun bidnees ch iluu baij boloh yum. Yaagaad gevel hun bid ur huuhdee osvor nasnaas ider zaluu boltol n hajuudaa zaaj surgan yalanguya belgiin boijiltiin uyed n tusgaarlan tuslah n bitgii hel yarih hel amtai baij ene talaar yariltsaj zuvlon zuv zamruu n hutulj chaddag shuu dee. Em zaanuud tsus oirtuulahguin tuld urjil belgiin hariltsaag n 16 nas hurtel n harj surgamjildag geheer uneheer sonin bas gaihaltai. Urd n bid zaaniig avrag byetei surdmeer bas zerleg amtan met oilgodog baisan. Getel uhaalag baidal ger bulseg gedgiig olj medeed/zuvhon ene blognoos/tedniig uneheer bishirch hairlamaar sanagdsan. Bi ooroo setguulch hun usvur nasniihand zoriulsan hede heden nevtruuleg bichij baihad 9-10 angiinhani gol emzeg sedev n belgiin hariltsaaa uyerhel hair durlal baidag ch ted ene talaar hezee ch aav eejeesee saihan zuvlumjj surgamj avdaggui geheer haramsaltai. Hajuud n anhaarch halamjildaggui murtloo huntei untchihav, jiremsen bolchihvoo gedeg hatuu ugseer ur huuhduudiinhee zurh setgeliig n sharhluuldag. Harin zaan bol hajuudaa surag dundaa daguulj hamgaalj surgadag sain amtan. Ene talaara zarim humuusees 100 huvi iluu yumaa gej bi unelsen. Gehdee bid ahmad uyeesee suraltsahgui bol odoogiin zaluu zaanuud shig humuujilgui bolj uldeh magadlaltai shuu. MInii yag yu heleh geed baigaag oilgoson bizdee. Yaagaad ch yum Surgiin hamgiin uhaantai erh medeltei huchtei em zaan shig bi usvur nasnii ohid huvguuddee anhaaral tavj, hyanaj bas zaaj surgan nas byed n hyrgemeer sanagdsan shuu. manaih osvor nasni /12-16/ nasni 4 huuhedtei ail. Gehdee bi oyun uhaant hun bolhoor iluu olon zuiliig hiij chadna gej naidaaj baina. Gehdee l zaanii tuhai omnoh minii bodol oorchlogdson, zaanaas bi ooriigoo teneg gej uzehgui ch gelee, zaani tuhai sonin hachin medeelluud namaig olon zuiliig bodohod hurgesen. Iim l uchraas bi uuniig bichij bainaa. Neeree humuun bid an amtan araatan jiguurtenees iluu uhaantai ch tednees iliigeer baigal delhiid hor hunuul uchruuldag zerleguud shuu dee. Gehdee bid uhaarsan bol oroitoogui baina, eh delhiigee hairlahad hun bolgoniig alham alhamaar uragsh hutulj baigaa ene blogiin ezen Myrlin chamd bayarlalaa.
Хариултаа/сэтгэгдлээ бичин үлдээсэн чамд маш их баярлалаа.
Хариултыг эцэслэх хоног дуусаагүй байгаа тул 10-р сарын 23-ны шинэ бичлэгээр эргэн уулзья.
Асуулт хариултад оролцох бас оролцсон та нартаа амжилт хүсье.
Ялагчид имайл очно.
Энд сэтгэгдлээ зориулсан та нартаа гойд их талархаж дараагийн шинэ бичлэгээр удахгүй эргэн уулзья.
тэмцээнд оролцмоор байсан ч сачий хүрсэнгүй эээ уул нь бодоол яваад байсын....
Сэтгэгдэл үлдээх: